O rei das Espanhas Juan Carlos I de Bourbon y Bourbon fala em galego o 25 de Julho na Catedral de Compostela. Oito séculos antes Afonso IX escuitava na Corte de Castela umha das cantigas que ele próprio compusera, interpretada por um jograr, já que o monarca vinha de assinar a ordem que lhe dava ao castelám a categoria de língua oficial na corte. Desde a Idade Média até ao século XIX o galego foi só umha língua de labregos e marinheiros, perseguida polo poder centralizador de Castela, desprezada polas classes dirigentes e identificada com o atraso. O ressurgir literário do idioma na Galiza a partir da segunda metade do s. XIX estivo na base dumha profunda consciência de país, que identificou a língua como o principal sinal de identidade do povo. A fundaçom das Irmandades da Fala significou a superaçom da indefinçom ideológica do nacionalismo e o desenvolvimento pleno do conceito da Galiza como naçom. A insurreiçom fascista de 1936 e a instauraçom da ditadura franquista significou a uniformizaçom política e lingüística do Estado espanhol pola força e o galego passou a ter a consideraçom de dialecto do castelhano. A dia de hoje o galego é, junto com o castelhano, língua oficial na Comunidade Autónoma Galega.