Penny其中一個顧客，就是位於將軍澳景明苑的單位，剛入伙的Cyrus就指，上一手業主以連租約方式放盤：「當時間屋仲有租客，睇樓望兩眼就要走。」他指牆身問題都被牆櫃及掛牆畫等掩飾，所以並未發現有問題：「好快就要決定買唔買，第一次買樓，又無留意其他地方，淨係覺得間屋幾舒服，就決定成交。」 Cyrus自單位交吉後，始發現原來屋內滲水的問題嚴重。原來景明苑曾爆出單位滲漏嚴重事件，承辦商不獲屋宇署續牌，最終分判予其他建築公司接手。他表示有留意新聞，但想不到原來問題亦波及自己新居：「收樓嘅時候就發現，同想像中有啲唔同，尤其係牆身，因為牆身爆裂比較嚴重，一直都擔心大廈外牆有無結構性問題，所以比較緊張。」 「Penny一入嚟，睇完之後就指牆身要從頭做過，唔可以靠油漆嚟解決問題，佢就建議喺牆身加裝石膏板，喺爆裂地方再做油漆工程。」屋內問題令Cyrus大失預算，幸好Penny趕工下，一個多月就能完成，工程不連家俬花費十多萬：「地板、牆身同埋廚房廁所其實都拆過再整，時間都比想像中快，因為都有好多地方需要做，都覺得好滿意。」 二十六歲就開自己的公司，他就指創業初期聽過不少冷言冷語：「比起老師傅，我真係算一個初哥，佢哋經驗老到，我不時都會到單位監工，我就試過提吓啲師傅點做，佢就話依啲嘢我梗係知，唔使你去提！甚至臨施工時話唔做，我都試過。」他就指「點都要忍」：「當同佢哋關係打得好嘅時候，所有問題都能夠解決。」 Penny的設計公司雖然已上了軌道，但仍要面對員工問題，因近年建造業界不斷加薪，自己都要用各種方法留住員工：「成日都要花心思去了解佢哋情況，或者多啲同佢哋聚會，留住佢哋嘅心，希望佢哋唔好轉工，因為出面都俾好多人工，起碼成二千蚊一日，令我哋做小生意嘅都非常困難。」 Penny都打算在今年內結婚，雖然工作期間經常接觸劏房盤，但他直言沒有買該類單位打算：「唔會考慮啦 .. 我想組織一個家庭，可能有兩三個小朋友，我驚住唔到。」 採訪：梁延宇 攝錄：梁正平 相關連結: 【生意●專做劏房盤】80後開裝修公司月賺八萬：好多客住二百呎想變到似住五百呎！ http://bit.ly/2sc9haR 【生意●創業貼士】開裝修公司成本低易賺錢? 80後老闆：最重要都係搵到客 http://bit.ly/2qpxmyp ______________________ 《壹週刊》周一娛頭 : 【高峰期百幾個】盛品儒老婆蔡一鳳30個Hermès大割愛︰唔想再服侍佢哋 http://bit.ly/2s1u01C 壹週Plus : http://hk.next.nextmedia.com 即 like 壹週Plus fb : http://www.facebook.com/nextmagazinefansclub