全職靚媽Candace煮得一手好餸，係名副其實「入得廚房，出得廳堂」，為家人做了卡通便當四年，又出書又教烹飪班，Candace就提醒新手可以留意以下幾點。 「首先，選用日本雞蛋，它的顏色較黃，會比較上色，賣相會較討好；第二，選用珍珠米，粘性較高，較少機會走位；當用紫菜、芝士、甘筍片做卡通人物五觀的時候，選用小學生的手工剪刀，裁剪時候就會較方便；亦可以用西蘭花、秋葵、蘿蔔、豌豆等等的食材填滿便當的空隙，以防走位。」 Candace的飯盒人見人愛，車見車載，就連有偏食習慣的小朋友都難以抗拒，「好多小朋友不吃肉不吃菜，不過小朋友鍾意食獅子狗，我教媽咪喺獅子狗入面放入秋葵，再入照燒汁煎脆外層，小朋友淨係睇到個樣好好味，就會大啖食。我覺得要將啲食物好似玩捉迷藏咁氹小朋友食，到佢發現食咗秋葵，原來都唔係好難食，佢就會接受呢種食物。」 撰文：葉浩婷 攝影：關永浩 壹週Plus : http://hk.next.nextmedia.com 即 like 壹週Plus fb : http://www.facebook.com/nextmagazinefansclub