變種特攻呢家嘢，藝人時有發生。變靚啲還是變醜咗，大家心中有數。為外形進步不斷求「創新」，有時會帶來反效果。 當上羅太嘅楊怡，出道走型格自然路線，入屋贏民心。但隨住年齡同後浪嘅威脅，求變嘅佢向鼻樑埋手，結果變呀變，發現佢鼻樑好似木偶仔一樣，越變越長，冇講大話架！有網民抵死笑稱同佢拍接吻戲嘅劉松仁，隨時遭鼻樑插死。 由八十年代至九十年代，Do姐(鄭裕玲)憑一把長秀髮加獨特氣質成影視界姐級。我行我素嘅佢話之外界點睇，無時無刻不斷求變先至係佢做人目標，所以鼻樑越變越窄、臉龐繃緊，佢照樣夠薑喺大騷預告以素顏出鏡，Do姐你好嘢！ 呢個唔使多講，係變醜特攻人版，六十年代嘅夏蕙BB確擁有女神樣貌，可惜求靚過度變成貪，女神都會變瘟神。難得夏蕙BB自我感覺良好，唔介意扮鬼扮馬當公益，佢嘅豁達令佢贏番唔少網民like。 壹週Plus : http://hk.next.nextmedia.com 即 like 壹週Plus fb : http://www.facebook.com/nextmagazinefansclub