【本報訊】每逢新春前夕蔡伯勵都接受不少傳媒訪問，講解香港流年運程。今年初記者致電蔡的辦公室，他得知記者邀約訪問連番說「多謝先」。採訪當日天氣寒冷，蔡在辦公室穿上皮褸和冷帽、手執流年資料中氣十足地講解，又謙稱：「其實𠵱啲都唔係認真嘢嘅，係個個人都知我做通勝，就問吓來年點樣。其實天意好難測嘅，就根據曆法講吓。」 當記者提出欲拍攝其工作情況，他都一一配合，特意拿出算盤等工具並解釋：「算盤都有用，但都係計小數目，大數用電腦計。」採訪期間他又回覆客人婚嫁擇日的查詢，並說：「日日都咁忙，又要編纂日曆，又要編纂通勝，又要擇日。忙嘅時間就拖長啲做，唔忙就快啲交功課。」訪問後蔡伯勵向記者道謝，又提醒職員送上新出版的通勝和記事簿，他更親自送記者到電梯大堂，被記者連番請求才肯返回辦公室。