郭藹明都好多年無拍劇拍電影喇，雖然佢嘅作品數量唔算太多，但當中都有唔少佳作架，好似近期重播又好受歡迎嘅《天地豪情》咁，好多網民都話晚晚追架！而郭藹明作為《天地豪情》四大女主角之一，喺劇情上由頭帶到落尾，當年仲係呼聲最高嘅「視后」候選人添。可惜最後「視后」由蔡少芬奪得。 同郭藹明一樣，大熱倒灶失落「視后」嘅人，認真唔少，由年代久遠嘅講起。 大台第一個「最佳女主角」，喺1997年誕生。記得當年《大鬧廣昌隆》好heat，小芙蓉好吸引，所以唔少人都認定周海媚一定係大台第一個「視后」，點知最後輸咗俾《苗翠花》嘅關詠荷。 相關文章： 【點解佢哋唔係視后】《天地豪情》郭藹明不敵蔡少芬 《無頭東宮》陳妙瑛拒續約即被out http://bit.ly/2unhIRk 2002年，作為倉底劇嘅《無頭東宮》大受歡迎，而陳妙瑛嘅精湛演技更令佢成為「視后」大熱，但令人跌眼鏡嘅係佢連最後五強都入唔到圍。至於原因，咪就係因為陳妙瑛2001年拍完《無頭東宮》之後，決定約滿離開，所以大台咪方丈上身囉。而嗰年「視后」係《絕世好爸》嘅陳慧珊，大家對呢套劇有無印象？ 大台「視后」排行榜入面，其中一項郭可盈榜上有名，就係「入圍最後五強次數最多但從未獲獎」，總共6次，So sad。最滿城風雨嘅一次要數2005年，佢憑《酒店風雲》成為呼聲最高嘅候選人，但爭獎爭到是非纏身，仲口快快講咗句「阿姐應該攞耆英專利嘅星輝大獎」，於是阿姐決心爭到底，個獎仲手到擒來添。 吖！同郭可盈同等「地位」嘅，仲有鍾嘉欣BB，一樣係6次入圍最後5強，但次次空手而回。嘉欣BB先後喺08年、10至13年，仲有15年，總共6次入圍最後5強。不過，就算而家大台講到明送個獎俾嘉欣，佢都未必會心動，始終做咗人母之後，嘉欣無心戀戰，湊女好過。 重溫: 一白遮三醜 郭藹明防曬功夫揭秘 http://bit.ly/2q2WQ4F 與劉青雲齊做藍精靈 郭藹明Nice爆跟街坊打招呼 http://bit.ly/2rtSSSt 素顏遊街 「奔五」郭藹明打扮好少女 http://bit.ly/2uaryqx 九一年港姐》做晒人妻 郭藹明蔡少芬有樣有事業 http://bit.ly/2ut9lUq 壹週Plus : http://hk.next.nextmedia.com 即 like 壹週Plus fb : http://www.facebook.com/nextmagazinefansclub