Audio now available on: moov: https://moov.hk/#/album/VAWS00029791A iTunes: https://itunes.apple.com/us/album/%E5%B0%B9%E5%85%89%E7%B6%93%E5%85%B8%E4%BB%BB%E7%99%BD%E5%86%8D%E9%81%87%E6%96%B0%E9%A6%AC2011%E6%BC%94%E5%94%B1%E6%9C%83-live/id627907329 游龍戲鳳　 主唱：尹光 / 郭鳳女　 曲：古曲　詞：羅寶生　編：周熾楷 OP : Sun Fung Music Publishing Ltd.　 生白：喂喂伙記 生唱：嚟啦 生白：有無人呀 旦白：有呀 旦唱：嚟啦　你為乜喺處亂咁敲啫 生唱：妳又為乜　冇個在店前 旦唱：人家個心都柳咁亂　事關我阿哥佢有病染呀 生唱：哦　唔怪得冷落荒涼　不比往日嗰間　龍鳳店 生白：唔同晒嘅 旦唱：唉　你都未知酒樓幾冷淡　近日此地大不 生白：點呀 旦唱：如前 生白：係囉 生唱：係呢妳楊柳腰兒　亦比從前 生白：瘦咗噃 旦白：你亂講 生唱：瘦損 生白：點解呀 旦唱：你何必花言巧語　可謂一個輕薄 生白：鬧我 旦唱：嘅少年 生唱：我美酒都未沾唇　妳居然先嚟一碗貓麵 生白：鬧我呀 旦唱：請你斯文應尊重 生白：尊重 旦唱：點菜至為先 生唱：嗱　酒菜就慢慢嚟 旦白：點呀 生唱：我想喫個芙蓉麵 旦白：哎吔　喂喂喂　乜你咁嘅啫　摸手摸腳都冇解嘅 生唱：妳鬧就隨便鬧　我係要摸妳一摸添 旦易：行開呀你 生白：咁惡都有 旦唱：睇你貌　似潘安 生白：麻麻地 旦唱：一表斯文　誰想你行為　咁不檢 　　　你嘅輕狂舉動 生白：點呀 旦唱：十足斯文無賴　下流賤格你學到　齊全 　　　你睇你仲喺處捏面 生白：仲有 旦唱：又摸頭 生白：摸下都唔得口架啦噃 旦唱：我本是濯水青蓮　雖出於污泥 生白：點呀 旦唱：而不染 生白：好嘢 旦唱：我呢個當爐女　亦知廉恥禮義　豈到你口不擇言 生白：鬧都鬧得靚過人嘅 生唱：鬼叫妳咁銷魂　鬼叫妳咁風騒 　　　妳引我入嚟　呢一間龍鳳店 　　　嗱　可見得 旦白：見得乜嘢呢 生唱：我係有心嚟幫襯　妳應該招待　週全 　　　係呢　妳哋用龍鳳做招牌　究竟出自何經何典 旦唱：講到龍鳳店　以龍鳳為名 生白：龍鳳 旦唱：因為兄是龍時妹是鳳　都算改得　幾自然 生白：哦　原來妳阿哥叫阿龍　妳就叫阿鳳 旦白：係呀 生白：原來妳係鳳姐呀嗎 旦白：嘻嘻嘻 生白：笑得咁鬼潮氣嘅 　　　點解食咗啲發姣粉真係 　　　個名改得真係甜呀 生唱：甜甜甜　知卿妳叫鳳姐呢的確係甜 　　　可惜個店名欠自然　哈　鳳與龍亂配真係笑話 　　　應該孖我結鳳鸞 　　　今日龍鳳店　擺下龍鳳宴 　　　我哋兩家至係龍鳳噃　配得好岩線 旦唱：乜你禮教都全唔念　有心點菜就快啲 　　　我唔願聽　唔通等到你埋年 生唱：任妳是龍腸　鳳燕　我一概不要　只要鳳姐將心獻 旦唱：躝開啦　躝開乜你個口得咁賤 　　　咁耐唔扯真真討厭　你隻採花粉蝶莫再痴纏 生唱：喂　我哋奇逢萬里緣　牽一線 　　　我做到當今帝主都正係龍 旦唱：龍你就會飛上天啦 生唱：何必　疑心　瞞騙呀 旦唱：你家陣確係確係發咗癲 生唱：有憑據口架　當今寶印在目前 生白：嗱　睇真吓我個寶印啦 旦白：你　你躝開呀你 旦唱：你真瘋癲　膽包天 　　　居然冒至尊　盼玉人相眷戀 　　　我呢一世　與你無緣　何必再冤 生唱：鳳姐呀　妳休多疑惑呀 　　　望真我個玉印先 　　　嗱　妳仲要踎低 　　　然後至睇得見　睇吓內中文字呀 旦白：點呀 生唱：姐呀妳就心甜 生白：嗱　呢個　呢個玉印呢 　　　清透到睇唔見嘅 　　　靚嗎呢個玉印　堅嘢呢 旦白：哎吔　哎吔　乜真係架 生白：係妳睇到口架咋 旦唱：果然玉印毫光閃　奴奴自悔太失言 　　　聖上請將奴赦免　乞賜為妃伴君前 生唱：妳骨似梅花人絕艷　盈盈秋水肖生憐 　　　大好名花殊堪戀　願為粉蝶都繞裙邊 　　　嗱　御筆親題成鐵卷 生白：寫完啦　好快口架咋 　　　為皇冊封江南李鳳姐為貴妃 旦白：謝主龍恩 生白：起身啦 　　　嘻　好啦 生唱：呢一個多情皇帝　今晚共結龍鳳奇緣...