9歲小巨肺譚芷昀（Celine）之前喺《全美一叮》（America's Got Talent、AGT）摘下 Golden Buzzer，晉級下一輪嘅現場直播半準決賽。噚日Celine經理人蕭定一話，好想喺年底或者明年初為Celine喺紅館開演唱會，今日Celine出席祝捷會時，就被問到演唱會呢個問題，然後……尷尬嘅事來了……記者問Celine，知唔知一哥哥（蕭定一）話幫你開演唱會，Celine聞言望一望蕭定一，然後蕭定一先淡然同記者講：「我冇直接同佢講。」然後佢再望望Celine問：「開演唱會好冇？」Celine認真考慮一秒後，答：「未咁快啦。」呢個檸檬，真係大個。蕭定一聞言，只係笑一笑，再解釋一輪：「要睇下場地，唔係咁易搵，想你喺紅館開。年底或年頭做到已經好好。」雖然蕭定一耐心解釋，但表明「未咁快啦」嘅Celine，真係冇乜興趣，蕭定一一邊解釋，Celine一邊四圍望，用行動表明晒一切呀。 高談闊論 主持：鄭經翰、謝志峰、林旭華