اغنية جديدة للفنان تمام الخطيب مطول تـ ترجع عالبيت على العود اغنية الى روح شقيقه الشهيد البطل العقيد اكثم الخطيب يقول بها : يا دنيا ليش الغدر ما كان بالحسبان خيي عزم عالسفر خلا العمر احزان مطول تـ ترجع عالبيت لعند احبابك هالضيعة الـ فيها تربيت بكيت عغيابك سألتني حجار المسودة وينو هالغالي كان يقضي وقتو عندي وتركني لحالي حاجة يا دنيا تحتدي ساكن ببالي من بعدو تـ ابقى لوحدي عايش بمصابك كل رفاقك يا حبيبي و اهلك بحبوك لانك صادق كلك طيبة صدق ما بينسوك اغلى حبابك ماتوا و راحوا خيك مع ابوك و امك فقدت وعيا و دابت على شبابك بتذكر كيف كنت تجيني البسمة عخدودك حب العالم ما بيكفيني من غير وجودك دمعات القهر الحزينة عم تسقي ورودك و غصون الجوزة و التينة حست بعذابك مطول تـ ترجع عالبيت لعند احبابك هالضيعة الـ فيها تربيت بكيت عغيابك