छत्तीसगढ़ी लोकनाट्य म नाचा ह सबले जुन्ना अउ पोट्ठ विधा आए जेखर संवर्धन अउ संरक्षण खातिर मंचीय प्रस्तुति होना घातेच जरूरी हावय। अहो भाग के रंगकर्मी हेमंत वैष्णव जी के प्रयास ले दक्षिण मध्य क्षेत्र सांस्कृतिक केंद्र नागपुर ह छत्तीसगढ़ म नाचा के प्रादेशिक स्तर म कार्यक्रम करात हावय। ये कड़ी म प्रस्तुत हवय रायपुर जिला के खरोरा तिर के गांव मांठ—केशला के प्रसिद्ध छत्तीसगढ़ी नाच पार्टी माटी के मितान के सामयिक गम्मत, जउन म गरीब परिवार के प्रतिनीधित्व करत बनिहार के ईमानदारी अउ बड़े घर के मालकिन के चरित्र ल देखाय गे हावय। संगी हो ये कार्यक्रम बने लागिस त अपन गांव म कराये जोंगत होहू तव तुरते खाल्हे के मोबाइल नंबर म आरो करव— 9753509380, 9827189839, 9669669474, 9009614524