因為突發性椎間盆突出，令到阿水一夜之間癱瘓。林保怡甘願花幾十萬手術費搏一舖，將阿水從鬼門關救出嚟。林保怡話︰「如果果次我放棄咗佢，對於佢嚟講，可能唔知，但係我覺得唔得，一定要有啲責任，有啲開心，依家都ok啦! so far係殘廢狗仔，但都行到食到。」 寵物醫藥費動輒幾十萬，林保怡更為咗阿水寧願減產，都希望有多啲時間陪水。依家林保怡同工人姐姐都會定時出動，陪阿水去游水當做物理治療，希望阿水嘅病情可以紓緩! 雖然佢依家有時都係會拐拐下，但都冇阻礙阿水貪玩嘅心，周不時都撩老豆同工人姐姐一齊玩! 今年8歲嘅阿水，計落已經係人類四十幾歲，林保怡都話阿水真係好活躍! 提到阿水年紀再大啲，腰骨問題可能更嚴重，林保怡肯肯定話︰「希望唔會太差啦! 但我都會堅持落去! 」 壹週Plus : http://hk.next.nextmedia.com 即 like 壹週Plus fb : http://www.facebook.com/nextmagazinefansclub