較早前，本刊曾報導賤男呃女隊氹人購買美容套票的手法。橋唔怕舊，最緊要受，近日本刊接獲男事主投訴，指有索女透過社交平台，主動結識單身異性，扮單身寂寞「求有個伴」，約事主一同上美容院做facial，事主最後簽下達四萬多元的美容療程。整個手法，和賤男呃女隊一模一樣。 Tony (化名)表示，自稱做OL的Wawa，早前在網上主動認識自己。Wawa不時說每日收工便回家，又不時向事主發送彈鋼琴和跳芭蕾的照片，「她話小時候學習鋼琴，現時是演奏級，標榜偶像是郎郎，希望彈琴有如他成就」，又上載去完巴黎的戰利品，好像要顯示自己經濟富裕，「佢話媽媽為咗養大佢三姐弟好辛苦，話買左手袋要孝敬媽媽，我感覺佢好乖乖女及孝順。」 除此以外，Wawa又不時上載她烹調的相片，塑造完美女神形象，對他噓寒問暖，就連同家人外出吃飯也發相給他看，Tony開始對她放下戒心，當時意識到對方是想發展男女關係。 慢慢摸熟Tony心理後，Wawa開始氹事主做美容，刻意營造曖昧感覺，「佢話個女性朋友啱啱拍拖，得番佢獨自一人做美容感到好寂寞，希望揾到個伴一起做facial。」Tony不防有詐，最初曾要求上網查看有關美容院資訊，惟女方以「市面上太多打手」及不公平為由堅拒提供。 事主最終敵不過女方多番游說，七月初由Wawa陪同下前往「Dr. BK Laser」位於銅鑼灣的分店，購下四萬多元美容療程。Tony最初繳付萬五元，隔了一星期，Wawa漸漸露出真面目，不停催促事主儘快再申請信用卡，方便繳付餘下尾數，「唔使每次俾五千咁肉痛」，Tony大感不滿，反質問對方為何每次聯絡他都離不開做美容話題，女方卻懶得理他，反斥事主自己「諗埋一邊」，雙方關係漸漸疏遠。 本刊曾致電「Dr. BK Laser」求證銷售美容手法，惟職員一聽記者身份便隨即掛線。 撰文：艾馬 攝影：海江田 【索女氹仔黨】美少女戰衣出擊 狂氹男網友上美容院 http://bit.ly/2wLffm1 重溫： 【賤男呃仔隊】氹仔技倆高招 令人產生錯覺乖乖就範 http://bit.ly/2nOiynq 【賤男呃仔隊】向男同志埋手 中招苦主：佢兩性通吃好賤格 http://bit.ly/2ng44AV 【動畫 賤男呃女隊】扮教徒絕世好男人 5女控訴被騙最多唔見20萬 http://bit.ly/2o7ZEva 【賤男呃女隊】女苦主集體現身爆料 FB釣魚簽單後露出真面目 http://bit.ly/2nMjvQi 【賤男呃女隊】賤男晚晚約女 更愛周街小便 http://bit.ly/2o7T7AQ 【賤男呃女隊】律師：佢哋涉不良營商手法 http://bit.ly/2nAtPuc 【賤男呃女隊】羅霖急澄清：我唔係代言人希望佢哋唔好呃人 http://bit.ly/2mQ1wsG 【賤男呃女隊】氹女三部曲曝光 拒買療程即變臉：你咁怪雞 http://bit.ly/2nMfMlG 【動畫・賤狼前傳】專攻畢業生 課程講者：我嘅人生差唔多未窮過 http://bit.ly/2sMAz7k 【賤狼前傳】女高層捧打鴛鴦 遭男方旺角伏擊𠝹頸 http://bit.ly/2sGiwok 【賤狼前傳】為上位走堂唔考試 大學生：屋企人話我好似撞邪 http://bit.ly/2sGhSap 【賤狼前傳】搵身邊人著數 前員工：佢哋講嘢似希特拉 http://bit.ly/2tgPz0K 【賤狼前傳•靠把口】他來自旺角訓練營 上腦後再氹身邊人 http://bit.ly/2tLJHgG 壹週Plus : http://hk.next.nextmedia.com 即 like 壹週Plus fb : http://www.facebook.com/nextmagazinefansclub