بسم الله الرحمن الرحيم مجاراة اعجاب بقصيدة شاعرنا/ عايد رغيان الورده واللي مطلعها ((ياناشدا عني بتالي زماني)) هب القصيد ومذهب القاف زاني وقام يتمايل ميلة الغصن بالطير حلم(ن) يجول بجونا الاسطواني مع جولته يالله صباح ومساء خير عانق مداهيل الندى واكتساني واهديت له ثوبي وفك الازارير واقبل على الجم الغزير يحداني وانا انسبحت اشبر القاع تشبير اغوص غبات البحر والمثاني واجيب مع حمر الفرايد مغاتير طب الجروح مبولدات المعاني يبلش بهن قاري كتاب التفاسير فيهن شموخ وعز نفس وتفاني وفيهن غرور وكي عله وتخدير وان باه صوت مروبعين الغواني وغدالهم مع موحش الليل مقطير عن صوتهم صوت ام سالم كفاني في خايعا مفرش فروعه مزاهير تلعب طرب ماحولها المودماني وتعزف لها قافا جهل به شكسبير حين الضحى مع هبة الذعذعاني والسيل يدعج والمحاير مخاضير لو راهنت تكسب عليه الرهاني في صوتها بحه وشفرة عصافير مرباعها .. روضا .. وطاه .. القراني رد السحاب اللي مزونه مزابير اربع طعش ليله به الغيم باني يمطر سماه .. ولاغشنه .. معاصير ماغير ضوح .. البارق .. العقرباني في عرض دهما واردات ومصادير لما ارتوى من نوها الجرهداني والريف غطى النابيه والمحادير وفاح النفل مع فايح القحوياني من فيضة(ن) .تشابكت .بالنواوير ماطبها من لايح اللون ضاني غير الحجل ومدورجات الشنانير باطراف روضا للزبيدي مجاني متفطرا .. كنه .. حليب .. المصاغير يزها . بروضه . وارد . البهبهاني الى سبر قفره ضحى وانثنى عصير قبل غروب الشمس والليل داني ولجة سيوره لون صوت النواعير افدع نظير مشوح(ن) شلفحاني يرسي الى ضاق النظر بالمعابير توه جديد وصبغته ديدحاني ولو له جناح يطير مارافقه طير ماشال عفش مدرجين السواني ولاشيل عن جنبه غبار البواخير جمسن من الشاطي نزل سمهداني برضا سماح عن الدعث والدعاثير عليه . قرما . عاشقا . مولعاني لادق هوجاسه من الشوق تذكير يطويه بحيوف الخلا المخلواني ويسابق احساسه على لمسة القير مسراه ليل ومابتلاه ابتلاني الله . يفكه . من. جميع . العواثير ليته يشيل مضرفي لاغشاني ويسلمه بيدين شيخ الشواعير شاعر زمن غيري وشاعر زماني ابوسعد عايد .. زعيم .. الاساطير مادار به فكري لهج به لساني واسترسلت غر البيوت المباكير هنا ابتداء مشوراها وابتداني على بياض الطرس مطلع وتصوير تشرب رها من فايضا برهجاني يزود.. لاوردة ..عليه.. المضامير العمر كله .. ياسليل .. الحصاني عساك سالم ياطويل الاشابير ياعايد رغيان علما ضماني الشعر عالم وانت له شيخ وامير يابو سعد يالمنهل الريهجاني لاجاء خبير البير يكشف غطى البير يلقاك عدا . مايشابهك . ثاني ويلقاك بالوقفات تفرق عن الغير احسنت يوم ان المواقف حساني وهيبت عن ربعك جموع وطوابير وماحت حروفك مايحين الرداني يوم .. النقاء .. بالمقبلات .. المدابير اقفى شذاها يضرب الحيداني عن حد مدهال السلف والمظاهير اقفت وعج خيولها كركماني بحلوقها .خردل. وحنضل. وسفير ومازال رمحك من دما القوم قاني ياكاسب الشهره بروس المشاهير شعرك تغنى فيه قاصي وداني وصوتك تمايل مع صداه الجماهير احفيت حرفك بالقسى واللياني وسطرت صفحاتك بالامجاد تسطير لما تساوت مع سهيل اليماني واسهيل يمه من يضاهيك بالسير يامرقب العليا عسى الموت واني ويبطي زمانك مابكوك المناعير وتبقى شموخ وعز ناس ومكاني يامفخرة ربعك من الطاش للنير وعساك في دنيا العنى ماتعاني تسعد وتضحك لك ليال التباشير وعسى الولي يغنيك طول الزماني امين جعل الله مايوزيك للغير ياشاعري والحب يسبق بياني بالقلب لك عندي معزه وتقدير اكبر من اللي تحتفي به بناني واجل واجزل من جميع التعابير حقك علي اطوعه لو عصاني ولاشاور بحقك عليه ولا اشير للرضاك احث القاف واكتب ولاني جاهل بهيبة حرفكم والتصاوير اقراه واعيد النظر يوم جاني شوش براسي والمعاني مباهير فاحت ومن فنجال كيفه سقاني ويقول لاتسرف وانا اقول له خير ياخاطري جو القصيد احتواني وعن المقدر ماتفيد المحاذير سر ياقلم مرساك بحر ومواني فيها من كنوز الجواهر مذاخير راع الولع لادار معها ثواني يسكر سطر لوكان ماهو بسكير درة زراق وجوفها برجواني ندحم بها صدر الورق والمحابير تنثر على وجه البياض المعاني فرايدا .. ماحصلوها .. التواجير ماهي بسلعة شاعرا هيلماني يمدح بها الساذج نجوم الدنانير خبري بها ماتلتفت لدواني ولاراج متجرها بسوق الهوامير تمشي على وضح النقاء والبياني وتصعد سماء صوب النجوم الشواهير باحسابها الطيب عريب المجاني واللي . فدا . ربعه . بحد . البواتير مافيه ثالث بين حاني وماني ذولا النجوم وغير ذولا مقاصير إن عاضبو عذر البخيل ارمضاني والممسحه تمسح خطوط الطباشير ويافارق المودم عن المودماني خذلك عن احوالي مع الشرح تقرير ارسلت وارسال المساء صرهجاني مابه دفاء وخيول فكري مسابير غاب القمر والليل ممشاه واني