轉載Banny Leung 「你砸到我隻腳呀」、「點解要我縮開？」近日有婦人與男乘客於東鐵車廂內，疑因行李問題爆發罵戰！雙方連珠炮發，鬧足5分鐘，到底所為何事？ 片段於週五（1日）被上載至Facebook群組「小心駕駛（討論別人駕駛態度）」，可見於東鐵線的頭等車廂內，有婦人與一名自稱香港人的年輕男子面對面坐著，男子將一個行李篋及兩個手提袋，放於二人中間。 該婦人斥責男子的行李佔據面前的空間，更反要她縮腳，認為男子的要求無理︰「點解要我縮開呀，細路哥」、「你隻腳唔伸埋嚟我點會整到你」、「你頂住我都唔出聲啦」。惟男子神態自若地反駁：「因為你（個袋）砸到我隻腳」。 雙方各執一詞，爭持不下。最後婦人鬧得面紅耳赤︰「你用嚇個腦諗嚇啲規矩」、「我唔識你我先鬧你，我識你我摑你兩巴啦」。男子則反罵婦人恃老賣老，「你嫌我腳長咪落車囉」。 罵戰持續近5分鐘，有附近的乘客起身離座，亦有人嘗試當「和事佬」平息事件。最後婦人到站落車，輕輕拋下一句「我唔同你嘈啦，byebye」，便拂袖離去。 片段於網上惹起討論，不少人斥片中男子做錯，力撐婦人︰「今次師奶隊終於贏番次」。惟有網民反駁婦人︰「生得腳長都要畀人鬧」。 想聽嚇二人嘅精警句子？去片睇嚇啦！ 歡迎訂閱 Please subscribe!