上個月陳茵媺同三個小朋友一齊飛回娘家多倫多渡假，話咁快陳茵媺今日就同三個小朋友返港。一向示老婆同仔女如珠如寶的陳豪，當然一早去到機場企定定等她們，成個月冇見，真係掛死陳豪啦! 當陳茵媺孭住細女，再推兩個小王子出來的時候，陳豪即刻衝上前，先錫老婆一下，再錫三個寶貝仔女。今次一個人湊3個小朋友去咁遠，陳茵媺話都有啲攰，但大家都玩到好開心唔捨得走。明天陳茵媺仲要去開戲，認真忙碌。 在上機前一日，陳茵媺就準備15個「益智奇妙袋」，好讓三位小朋友在機上可以消磨時間，畢竟由多倫多飛返香港，都要十幾個小時或以上，對於小朋友來說，長途機屈在機艙到，的確又頗苦悶。 返娘家呢一個月，陳茵媺除了忙探親之外，還同三個小朋友盡情去玩，又到不同的農莊去體驗，她更不時上載他們玩樂的照片。在外國無拘無束，陳茵媺都不停上載照片和大家分享。 壹週Plus : http://hk.next.nextmedia.com 即 like 壹週Plus fb : http://www.facebook.com/nextmagazinefansclub