80年代，地產市道因中英談判下滑，鷹君過度擴張出現危機，羅老太稱，「當時嘉瑞返來了一兩年，佢主張賣資產。後來直情講話賣鷹君股權，我夜晚行過房，兩仔爺話賣給新加坡佬，一股三毛錢。 咁辛苦捱出來，點捨得賣呀？老公最後聽我話無賣，否則而家瞓街邊啦！」 兄弟之間嫌隙亦源於80年代，當時鷹君同系的百利保和富豪酒店，一年撇賬24億。此時二子旭瑞發難，公司醫生韋理在其協助下，出價9,000萬元購入富豪33.4%股權，羅鷹石為此與羅旭瑞反面。巧合地，引發今次爭產的信託基金，正是於84年4月、即這場狙擊戰後一個月成立。羅旭瑞「離場」後，鷹君系由羅嘉瑞接手。 羅嘉瑞8年前將兒子羅俊謙引入鷹君，並於15年升任為執行董事，是鷹君集團董事局內唯一的第三代，似乎準備接班。他曾於美國聖路易斯華盛頓大學修讀心理，畢業後於花旗銀行工作，後再返回家族公司。對於這名孫子。羅老太說:「呢個孫未有生意經驗，佢細個去了美國，主要講英文…無想過佢接手鷹君。」 她逐一評價每個「王儲」，「（長子羅孔瑞）呢個無其他仔咁落力，得把口！後生時有自己做建築，賺兩千元已開心死。佢三十多歲…之後無了。（按:羅孔瑞曾是第一接班人，但早年被廉署起訴行賄，後打入冷宮，現仍為鷹君董事）」她心痛說:「孔瑞嗰仔（羅俊昶），呢個真正長子嫡孫，喺鷹君俾人襟到…低到低，好慘！因為老豆無權，做極都好低，俾羅嘉瑞調左去美國。」她補充:「呢個老實鬼來既！」 「二子羅旭瑞（富豪酒店、世紀城市及百利保主席）， 叻，好勤力，無偷懶。三子羅嘉瑞一樣叻，但而家變左。佢驚我收回信託既錢，會俾其他兄弟『鬼』哂！四子羅康瑞（瑞安集團主席），我無理佢，依家歸左佢地(指嘉瑞)。佢都好孝順好仔，一來係『種』，二來家庭不會亂使，習慣左。」至於五子羅鷹瑞，「佢心臟科醫生， 特別有錢，同嘉瑞兩個最有錢！孻仔羅啟瑞（新福港集團主席）而家就做生意，賺得幾好。」