الف .. وليف الروح سيد الحبايب = من عشرته شفت العنا والمصايب لاهو مداويني ولاني بـ طايب = عز الله اني شايفً منه لوعات الباء.. بقلبي للحبيب محبة = مهما يعذبني وينسى المحبة الحب مايوجد مع الناس طبه = لو هو يداوى كان دورت دويات التاء.. تولع خاطري بالجميلة = اللي بسهم العين تذبح قبيلة كم واحد قبلي شكا من خليلة = وانا شكيت اللي عيونه وسيعات الثاء.. ثمانه يوم فيها تبسم = القحويان اللي من الوسم وسّم انا اشهد ان الزين يومه يقسم = اخذ حبيبي قسمته عشر مرات الجيم .. جاوبت الحمامة بنوحي = ياليت زين العين يبصر ويوحي يشوف قلبي من فراقه يفوحي = فوح الدلال اللي على النار مركات الحاء .. حذفني هافي الوسط مره = رمحه سطا بي شفت منه المضره انا اشهد ان فرقاك يازين مره = ولا ماك هي طب القلوب العليلات الخاء .. خليلي خلّ قلبي وخلانِ = خلاني اقنب كني الذيب سرحان انا اشهد اني في هوى الزين حيران = مابيدي الا قولة ياحلولات الدال .. داويت الجروح العطيبه = ماتنتداوى والمحبة مصيبه ترى الهوى ماهو بيبرى صويبه = عزي لكم ياهل القلوب الصويبات الذال .. ذالي عنك يازين مده = قامت تزايد بالضمير المودة المهتوي ماكل شيٍ يرده = حتى ايش لو دونه دروبات صعيبات الراء .. رماني هافي الوسط بالعين = الله حسية كيف ياقف ويرمين بذبح بسهم العيم بليا قوانين = ياما ذبح من دون ذنب وخطيات الزاء .. زريف الطول زين الحلايا = به من بنات الحور لون او تهايا بالخد والمبسم وحمر الشفايا = مبيسم يزها ثمانٍ رهيفات السين .. سلهم يوم شفته بغفله = يرم المولع واحدٍ ماوقف له والله فلا ادري كيف قر الهدف له = حتى ركز قلبي على راس مبرات الشين .. شبّت في ضميري لهايب = شبّت بقلبي نار وانت السبايب ارحم رمك الله ترى القلب ذايب = يابو العيون اللي هدبها ضليلات الصاد .. صوبني ضبي الحمادي = اللي هواها ساكنً في فؤادي انا اشهد ان الزين غاية مرادي = مالي بغيره شف لو هن كثيرات الظاد .. ظنه كان هو مثل ضني = فانا سعيد وبالحياة متهني يالله لاتجعل حياتي تمني = يارب سهل لي دروبٍ عسيرات الطاء .. طلبت الله يجلي همومي = واسعد ولا ابقى بالحياة محرومي لعل حظي من منامة يقومي = واسعد بشوف الزين واجلا الحسوفات الضاء .. ضميري صار كله حراقة = اسبابه المجمول طول غيابه ماعاد لي بالصبر يازين طاقة = اسهر واطوّح تالي الليل ونات العين .. علمتك وهاذي علومي = ياسيد روحي صرت منك محرومي عليك قلبي بين الاضلاع يومي = مثل العلم تومي به رياح صلفات الغين .. غليتنِ وزادت غلولي = خليتني يازين كني مهبولي انا جريح القلب مير افطنولي = قبل يتبين لي مع الناس غلات الفاء .. فؤادي من هوى الزين ذابي = ليتك يانور العين تسمع عتابي وتشوف حالي بالسهر والعذابي = دايم عيوني من فراقك حزينات القاف .. قلبي مايبي غير خلي = يانور عيني يابعد كل من لي خليت دمعي فوقث خدي يهلي = خليتني بهم وغم وحسرات الكاف .. كنيت الخبر عن عدوي = ياروح روح الروح انا وش اسوي حبك على القلب الجريح متلوي = لك بالحشا يانور عيني محلات اللام .. ليتك ياحبيبي قبالي = منيب عنكم ياهى البال سالي اشغلت قلبي ياحسين الدلالي = بخدود حمر وبالعيون الكحيلات النون .. نورك مثل بدر التمامي = عذبت قلبي ياظبي العدامي اسهر وكلٍ في منامة ينامي = ودموع عيني فوق الاوجان سافات ملف أغاني سلامة العبدالله + عبدالله الصريخ + ميحد حمد https://www.youtube.com/playlist?list=PLKVyGQuXt2Jwe6lLKatSkRyZVu7iTLRAe