恭喜！恭喜！聽講嘉欣BB，6月生咗B女！成班姊妹都戥佢開心。 香香一聽到好消息，仲急急腳飛咗去溫哥華探佢㖭。香香之前爆響口，話同男朋友強強去加拿大參加朋友婚禮，原來靜雞雞去探埋啱啱生咗BB嘅鍾嘉欣。 其實嘉欣嫁脊醫老公Jeremy Leung到依家，眨吓眼就5個幾月，生得啦。聽講BB似足嘉欣咁甜！之前嘉欣仲喺微博分享將為人母嘅心情︰「我會進入人生另一個階段，做媽媽，我好期待，好興奮，當兩個心連成一個，感覺好奇妙。」 楊言要同老公追夠四個嘅佢，生完會繼續努力造人。咁大家係咪好擔心，嘉欣生咗B會唔會退出？雖然之前訪問，佢強調︰「我都希望繼續工作……我唔會退出……至於減產……到時睇吓就知。」講係咁講，但睇佢咁猶豫，要等佢復出，各位觀眾應該會變咗長頸鹿囉。 壹週Plus : http://hk.next.nextmedia.com 即 like 壹週Plus fb : http://www.facebook.com/nextmagazinefansclub